بسم الله الرحمن الرحيم
بمناسبة الفهلوة المصرية خدو دي مني
- ابو العربي : شوف يا برعي , انا في يوم عديت علي الاستاذ نبيه في الجمرك و انا شايل كرتونة قد الداهية ورايا علي الموتوسيكل , الراجل هجم عليا و فتح الكرتونة لقاها مليانة قش , ابن الذينا نزل فيها تفتيش و نكش لحد ما طلع الفيديو من قعرها , و صمم يدفعني جمرك و غرامة كمان , قلت عليا النعمة ل هيشوف , تاني يوم عديت بنفس النظام , قعد ينكش الصندوق لما طلعت عينيه , وفي الاخر لقي في قعره ساعة يد صيني ما تسواش جنيه ! دفعت له الجمرك و الغرامة عالجزمة و مشيت , و تالت يوم نفس النظام , واسبوع علي كده لحد الراجل ما زهق , و بطل يفتشني و كل ما اعدي عليه يقول لي مرحب يا ابو العربي , عدي يا راجل البيت بيتك وما يفتشنيش !
لحد ما يوم راح كابس عليا و فرتك الصندوق , طلع كان بينيمني علشان ما اخدش خوانة و احط البضاعة اللي انا ناوي اهربها , بس علي مين , هيه الساعة الصيني يا باشا ما فيش غيرها !
قعدنا علي الحال ده شهرين , و بعدين لقيت الاستاذ نبيه في يوم بيخبط عليا في البيت , و بعد ما خد الواجب بتاعه قال لي :
بص يا ابو العربي انا خلاص سلمت , و مش قادر , حاموت و اعرف انت بتهرب ايه , ان شا الله اعدم عيني و عافيتي لو فتشتك تاني حتي لو هربت جمل , بس وحياة العربي تقولي انت بتهرب ايه !
- و قلت له ؟
- طبعا , دا حلفني بالعربي .
- هه ؟ ........ و طلعت بتهرب ايه ؟
- موتوسيكلات .
[وحدهم المديرون لديهم صلاحيات معاينة هذه الصورة]
بمناسبة الفهلوة المصرية خدو دي مني
- ابو العربي : شوف يا برعي , انا في يوم عديت علي الاستاذ نبيه في الجمرك و انا شايل كرتونة قد الداهية ورايا علي الموتوسيكل , الراجل هجم عليا و فتح الكرتونة لقاها مليانة قش , ابن الذينا نزل فيها تفتيش و نكش لحد ما طلع الفيديو من قعرها , و صمم يدفعني جمرك و غرامة كمان , قلت عليا النعمة ل هيشوف , تاني يوم عديت بنفس النظام , قعد ينكش الصندوق لما طلعت عينيه , وفي الاخر لقي في قعره ساعة يد صيني ما تسواش جنيه ! دفعت له الجمرك و الغرامة عالجزمة و مشيت , و تالت يوم نفس النظام , واسبوع علي كده لحد الراجل ما زهق , و بطل يفتشني و كل ما اعدي عليه يقول لي مرحب يا ابو العربي , عدي يا راجل البيت بيتك وما يفتشنيش !
لحد ما يوم راح كابس عليا و فرتك الصندوق , طلع كان بينيمني علشان ما اخدش خوانة و احط البضاعة اللي انا ناوي اهربها , بس علي مين , هيه الساعة الصيني يا باشا ما فيش غيرها !
قعدنا علي الحال ده شهرين , و بعدين لقيت الاستاذ نبيه في يوم بيخبط عليا في البيت , و بعد ما خد الواجب بتاعه قال لي :
بص يا ابو العربي انا خلاص سلمت , و مش قادر , حاموت و اعرف انت بتهرب ايه , ان شا الله اعدم عيني و عافيتي لو فتشتك تاني حتي لو هربت جمل , بس وحياة العربي تقولي انت بتهرب ايه !
- و قلت له ؟
- طبعا , دا حلفني بالعربي .
- هه ؟ ........ و طلعت بتهرب ايه ؟
- موتوسيكلات .
[وحدهم المديرون لديهم صلاحيات معاينة هذه الصورة]